燒烤堂 (已結業)

一般燒烤都係日本串燒多，但今日試左間多國菜燒烤，選擇好多，無從下手。叫左泰國生蝦，我最中二既一道前菜。蝦好肥美，配上自制泰式醬，不得不提呢個醬，佢除左辣椒、蒜頭之後，更加左碎芫茜，吊起蝦既鮮味，而且更加香，而蝦本身屬於比較淋，但口感都唔錯，而且啖啖肉，又新鮮。另一前菜七味魚翅，選用魔鬼魚，好濃魚味，燒到少少燶，好香口，送酒一流。啲軟骨好有嚼頭，點上七味粉加沙律醬，絕配。韓式牛仔骨，好大份，直情成份主菜甘，牛仔骨燒到岩岩好，鎖住肉汁，所以好juicy又嫩滑，而且加入韓燒汁，甜甜地，配上生菜，青瓜，紅蘿蔔，可以包住牛仔骨食，唔油之餘，可以兩種食法。鹽燒雞中翼，用左海鹽吊出雞鮮味，加上檸檬汁已經好夠，幾乎全部雞類來自日本直送，而且多雞內臟類，如果好呢味，可以一試，價錢都算超值。