等 (已結業)

「每個人，都在等一個人，等待一個能看見你與眾不同的人。」如果你有睇過九把刀《等一個人cafe》，一定對呢個句子好熟悉😛。果時睇完套戲就一直好想去台灣既實體店，台灣果個就未去到喇，去住香港太子既「等」cafe先😛淺白色配木紋既簡約裝潢，有種放鬆既舒適感，好適合都市人忙裏偷閑。*松葉蟹肉燴飯 $98*蟹🦀️腳已經剝好，一咬已經食到蟹肉，燴飯都好濃味，見到有一絲絲既蟹肉喺入邊，而飯粒唔會淋，食完一碟都唔會覺得膩🤤。*五味丼飯（海膽、帶子、蟹棒、蟹籽、三文魚籽）$118*係café可以食到咁日式既菜色較為少見，海膽份量都多而鮮甜，唔輸俾日本餐廳質素，兩粒帶子、配埋爆醬三文魚子同蟹子，撈飯好正。*白酒忌廉青口 $88*汁既味道略嫌有D咸，好彩有蒜蓉包沾來食，啱啱好中和返。*雪糕朱古力心太軟 $78*呢個心太軟有少少失望，切開冇流心感覺，熟左D😿*Await Signature $48*呢款都幾特別，咖啡中帶有柚子既微酸，酸同苦兩個口味balance到。