影片
更多
2015-09-03
2000 浏览
容易受傷的孩子，有種少少受騙的感覺💔💔人總是犯賤的，總是眼見「限定」2字便比迷惑人心，然後失去理性變智障自掏腰包去付出一切為求得到😔比個喻，就好似我咁💬''聽講中村藤吉超好食喎！蕨餅仲要係限定架！得幾份炸！遲左就無得食架啦！所以開11點啲人都會為左食而9點去到，值得一試架''💬結果！我派左我心愛既妹妹9點幾去排隊，我後到😉要付出心機既野當然會好期待啦，網上食評又講到一流咁，咩難得一見世間美食等等，搞到我地堅好期待！堅好興奮😙😙我地10點去排，仲要13號票，都已經有咁多人入左座了當然我地正式嚟講都叫排左至少1.5小時了食完後覺得唔太值得浪費青春去白等幾鐘意呢個水壺，好重手，哈哈個人喜好，覺得啲野一重手就認為好有質感，會好鐘意會好想帶回家用啲綠茶包都幾濃味，唔算太難飲～～妹妹好鐘意飲熱茶，所以我地加添了一次熱水相對地，同一個茶包，加了熱水後一定比我地飲既第一次淡味好多PS：提提大家，收每位茶芥＄10，好似仲要每人一定要叫一樣野 上枱見賣相都正喎，興奮+興奮=超亢奮😁急不及待是但影左幾張相就いただきます，我唔客氣啦～～～～～～～～～～🍴蕨餅 （$ 88）OMG👿一食現真身😐sorry，可能我
容易受傷的孩子，有種少少受騙的感覺💔💔
人總是犯賤的，總是眼見「限定」2字便比迷惑人心，然後失去理性變智障自掏腰包去付出一切為求得到😔比個喻，就好似我咁💬''聽講中村藤吉超好食喎！蕨餅仲要係限定架！得幾份炸！遲左就無得食架啦！所以開11點啲人都會為左食而9點去到，值得一試架''💬
結果！我派左我心愛既妹妹9點幾去排隊，我後到😉要付出心機既野當然會好期待啦，網上食評又講到一流咁，咩難得一見世間美食等等，搞到我地堅好期待！堅好興奮😙😙
我地10點去排，仲要13號票，都已經有咁多人入左座了當然我地正式嚟講都叫排左至少1.5小時了食完後覺得唔太值得浪費青春去白等
幾鐘意呢個水壺，好重手，哈哈個人喜好，覺得啲野一重手就認為好有質感，會好鐘意會好想帶回家用
啲綠茶包都幾濃味，唔算太難飲～～妹妹好鐘意飲熱茶，所以我地加添了一次熱水
相對地，同一個茶包，加了熱水後一定比我地飲既第一次淡味好多
PS：提提大家，收每位茶芥＄10，好似仲要每人一定要叫一樣野
上枱見賣相都正喎，興奮+興奮=超亢奮😁急不及待是但影左幾張相就いただきます，我唔客氣啦～～～～～～～～～～🍴
蕨餅 （$ 88）OMG👿一食現真身😐
sorry，可能我地2個層次比較低，唔識食啦
同時間表示：我的心真的受傷了💔💔
無錯！蕨餅的確係幾煙煙韌韌既，而且上面沾滿抹茶粉，又可以配黑蜜或抹茶蜜食咁，係感覺得意高級既，但，勁普通囉😔似黑糖麻糬咁再沾滿粉，質地黏黏稠稠咁，食左一件還好，但已經唔想再食第2件，食埋第2件已經勁膩勁濟啦！後來廢柴2人組更宣布放棄唔再食，食得好勉強會心理唔好受（其實我地枱附近果2張枱既人都表示普通同有食剩😐）證明唔止得我地dislike架😂我仲要一口氣食左4件，崩潰
抹荼芭菲($98)個個都話呢個係幾乎必食，因為一杯集齊多口味元素，可以從中試清楚自己鐘意食咩，然後下一次就可以針對性點餐，又或者，一杯滿足幾個願望😊
抹茶芭菲比我想像細杯，有幾層，最上面係口感細膩既cream(我爆愛食cream)，有我覺得最好食既抹茶蛋糕和濃郁既抹茶雪糕😍😍有抹茶jelly，有1-2粒紅莓(好酸)，仲有脆米啦、有粒栗子、紅豆啦、幾粒大粒丸子咁......一整杯中，除左頭3層(cream、蛋糕、雪糕）我覺得味道不錯外(抹茶味較濃郁)，其他既味道真係好一般囉，某程度上就係似食普通既抹茶芭菲咁囉(又或者直接啲講係食緊中村藤吉呢個名）（起碼好食過「蕨餅」多多聲）
抹茶雪糕刨冰 ($98)然後講下抹茶雪糕刨冰先，除左上面個坨仔細得超級可憐似乎勁矜貴但又真係幾好食嘅軟雪糕，同埋啲刨冰刨得幾幼細散碎入口都幾即溶外........（唉，軟雪糕真係細得可憐，多返少少就更有價值啦）.......（我真心覺得中村最好食既只有軟硬雪糕）.........😀um....我真係諗唔到其他任何要讚美嘅地方😅😅不過不失啦，啲人話呢兜野抵食，因為大份😑我心諗😏😏梗係啦，都唔睇下價錢既，差不多成$100，唔比大份啲你食碎冰，你地會鋸咩？哈哈
但啲冰真心打得好碎無任何的大冰粒，所以都唔會話食到頭痛咁，都幾好架～～～
抹茶蕎麥麵 （＄78)第二大失所望，勁勁勁普通根本食唔出任何抹荼味既 SOSAD
除左真係幾有咬口，幾有質感外，其實，根本同食平日既蕎麥麵分別唔太大
最緊要係 來中村藤吉係要食有關抹茶味既食物架！！
如果無抹茶味的話，沒有食的價值，寧願去專門食蕎麥麵的店鋪好了
有時候，我真係會心諗係咪自己要求高呢？都係自己真係太嘴刁呢？我真係好多時食唔出好多人所講嘅超級好食、人生必食，不得不食.....等等食後感地步😅😅
就好似中村藤吉咁，我在日本食過一次，在香港一次😶
老實講，除咗在日本第一次食過之後，我覺得「啊～唔錯吖」個感覺外
和在香港食既這一次一樣，我都覺得好普通
整體試而言，失望收場可能會有人講，有無咁誇啊？
誇張？但我想講，味蕾呢家野從來都只會係好主觀😊無分對與錯
你岩口味但未必我合，反之亦然，係再正常不過的事了😌
张贴
