散水餅

营业中

休息中

星期日下午去左赤柱既聖誕市集，真係好多人。行左一陣就諗住搵地方坐下，所以上左赤柱廣場搵下有冇coffee shop可以坐陣。入到赤柱廣場見到廣告牌指上4樓有waffle食，所以就沿著指示上左去。上到去發現間舖好細間，而門口又好多人，而大部份都係遊客，不過好在佢出面都有好多露天座位。買完野食，就搵位坐底左。食物方面，其實除左waffle，仲有雪糕pancake，我揀左玉桂蘋果新地窩夫。其實味道唔錯既，不過略嫌蘋果太乾，但配左雪糕就感覺良好左。我諗個waffle應該係預先整定，唔係好夠熱，如果可以熱d會更好。飲品方面，都有好多選擇，仲竟然有黑糖珍珠鮮奶，完全估佢唔到。我揀左latte而朋友就揀左黑糖珍珠鮮奶。始終唔係coffee shop，所以我都無expect太多。latte係有少少淡，而黑糖珍珠鮮奶就太甜，但味道當然唔可以同而家買到周圍既專賣店比較啦。雖然食物同飲品都係一般，但環境唔錯，室外既環境好舒服，感覺好空曠。坐係度飲杯野食個waffle，都係唔錯既選擇。