茶茶Go

营业中

休息中

作為一個茶飲控，近年最Hit應該係芋泥vs黑糖，今次茶茶GO有齊晒！正！逮丸芋頭3號手工芋泥鮮奶配粒粒珍珠，唔好以為好細杯，但其實好足料，勁多芋泥有一半都係粒粒芋頭，珍珠份量好多！芋泥口感軟棉棉但珍珠口感煙韌，正！金煌楊枝甘露茶茶GO嘅人氣No.1嘅飲品！同樣都係真材實料，粒粒芒果柚子肉，酸甜開胃，入面有啫喱口感豐富，正！其實飲完上面一杯已經覺得好飽，但係甜品係第二個胃，所以要試埋黑糖伯爵盒子！重點係細細盒食完唔會好有負擔，同埋伯爵味超出，因為好多時茶味甜品都好淡，但係今次伯爵味好出，加埋黑糖珍珠煙韌，口感豐富！