皇后小聚 (已結業)

朋友介紹尖沙咀加連威老道開了間佛國泰式主题酒店Soravit on Granville，不是遊客嘅我反而有興趣試下面呢間中、越、泰的fusion菜餐廳。位於酒店二樓嘅餐廳好有柬南亞風韻，牆上的女像好吸睛，好有皇后氣派，侍應安排我哋坐下，介绍咗剛推出，為慶祝酒店開業及泰國潑水節嘅全新餐牌，都幾吸引，有辣有唔辣，我哋點咗香辣肉碎生菜包、燒大蝦柚子沙律、紅咖哩炸雜菌豆腐、香脆蟹盒、泰式青咖哩羊架、黑松露鲜蟹肉菊花蛋，味道、擺盤、創意都有驚喜，充滿東南亞風味的一餐，值得一試！