光榮冰室 (兆和街) (已結業)

區選結果出左兩日喇，但大家既歡欣好似仲未停。今日同朋友專登出荃灣食光榮冰室，佢今日主打係「何已完飯」。「優惠須手執一葉兌換」，優惠受條款約束，好巴閉咁。$42一碟何已完飯包凍熱飲哥仔問我要咩汁，茄汁黑椒定咖哩？心諗有得揀汁會係咩樣。一上枱，X，一碟頹飯，仲頹過何妖！光榮公司飯：煎雞扒、炸豬扒、腸仔、火腿、煎蛋。大家都估到咩味，就好似何妖咁，有幾多斤兩一眼睇晒。要靠整色整水，無啲汁送飯，我應該會食唔落。不過食落係開心既，諗起區議會掃走左啲廢物。大家下年立法會要繼續盡公民責任！兜飯幾頹，最後都食得完。諗起隔幾條街何已完個荃灣辦事處都已完未重開，大人物真係識開玩笑。