Plato Cafe & Bistro (吳松街)

位於佐敦嘅呢間西餐廳晚市都幾熱鬧，餐廳主打提Pasta、Pizza、安格斯肉眼牛扒🥩、羊架、法國春雞🍗等美食。仲有咖啡☕️及飲品🍸。點咗兩個晚市套餐：🍔鮮菠蘿牛肉漢堡配薯條及沙律$178晚市套餐有餐湯同包一杯$32飲品，$32以上只補差額，我見到啲奶昔幾吸引，點咗杯Oreo奶昔🍹，食落充滿濃郁嘅Oreo味同奶味，又唔會太甜😋，面頭仲有啲脆脆同cream。餐湯方面，今日係椰菜忌廉白湯🥣。個burger份量真係唔惹少，一啖根本咬唔到，塊牛肉好厚實多汁，薯條係即炸嘅，食落新鮮脆卜卜，再加埋落咗醋汁嘅沙律菜，成個套餐好滿足。🥩西班牙黑毛豬鞍$248超足料又厚實嘅豬鞍，大大嚿切開啲肉質粉嫩，有口感。配菜有焗薯，焗薯火候控制到啱啱好，面頭有啲蛋黃醬。另外見到肉眼扒都好吸引，下次再嚟食😋。