新肥泉海鮮大排檔

营业中

休息中

突然好掛住大排檔既風味，近近地係佐敦搵左尼間，地鐵站一出5分鐘就去到。環境寬敞闊落，又夠光猛，坐得舒服。無諗過大排檔咁先進，有網上落單仲要有埋實物圖，第一次食都唔洗估估下。 ⦁鹽脆鮮魷🦑 $138薄薄一層脆漿包住鮮魷魚，食落口一D都唔油膩，重點係魷魚煮完唔韌，一碟好快清晒。 ⦁椒鹽軟殼蟹🦀 $148食完上一碟唔夠喉，再叫多碟軟殼蟹。同魷魚一樣，外皮酥脆。 ⦁醬皇燒生蠔🦪 $168生蠔大隻厚肉，口感十足，配埋香濃醬汁，真係可以食多幾碗飯！ ⦁欖菜燒肉粒炒飯🥩 $108夠晒鑊氣，食大排檔目的就係為左食鑊氣，同平時餐廳相比別有一番風味。燒肉脆口，炒飯唔油，簡直食唔停口😋。 整體黎講，環境乾淨企理。每碟份量超多，夠晒獲氣！唯獨上菜速度偏慢，畢竟即叫即整熱辣辣，可以理解。