麗莎餐廳

营业中

休息中

同朋友經過佐敦，見到依間港式冰室選擇豐富又抵食，一於試吓！餐廳好受歡迎，下午茶時間段都坐滿人，環境乾淨企理，坐得舒服～食物方面提供多款常餐、特餐、咖哩類、焗飯、小菜等等，性價比好高👍🏻 二人午市消費：$100 不設加一服務費💖💖💖食評💖💖💖索女餐 $45 吉列魚柳、雞蛋三文治、福字麵果然係俾索女食，份量對女士啱啱好唔會太多～ 最鍾意食魚柳，熱騰騰，口感外脆內滑，配上沙律醬一流🤤麗莎特餐 $55沙嗲牛肉麵、蒜蓉多士、香煎豬扒 必食！沙爹牛好香濃，牛肉軟嫩爽口，口感味道一流！多士金黃香脆，鹹香味十足🤤 仲有大大塊豬扒，呢個套餐好飽肚