Plato Cafe & Bistro (吳松街)

🧡煙三文魚蘆筍飯除咗眼見嘅煙三文魚花花外，飯入面仲有好多煙三文魚絲，啖啖都食到魚肉，而且仲有蘑菇，蘆筍。意大利飯煮得剛剛好，煙韌又半軟糯。Cream sauce又唔會食完令人滯咗。❤️封門柳配松露野菌汁一隻牛得兩條封門柳，肉味特別濃。餐廳煮到五成熟左右，中間係剛熟，咁牛肉自然唔會韌，外面仲煎到又香又脆。💚寶雲酥羊架薯蓉配荷蘭汁估唔到Set lunch都食到咁正嘅羊架，雖然等得耐左少少，不過值得值得。羊架肉嫩多汁，七成熟，唔會羊臊味。薯蓉牛油香，又軟滑。💙跟餐有黑糖餐包配蘑菇湯或田園沙律💛可以加配$38甜品，我就叫左紐約芝士餅，提拉米蘇。提拉米蘇比較出色，creamy又夠moist，有淡淡咖啡酒味。💜凍薄荷朱古力，凍焦糖抹茶鮮奶餐廳嘅餐飲menu好吸引，咖啡，沙冰，Soda，smoothie樣樣有。凍薄荷朱古力，無牙膏藥水味，真係幾好飲。凍焦糖抹茶鮮奶，焦糖只係topping，所以唔會好甜好甜，又飲到抹茶嘅回甘。