塔門仔海膽燒 (已搬遷) 新店位置

要去塔門,大部份人都會覺得太遙遠而且唔就腳,但佐敦開左間由塔門人主理的海膽串燒店就大大提高了方便程序,隨時隨地都可以食到塔門風味的海膽了海膽串燒店位於寧波街的轉角位置,很容易搵到,雖然附近都有其他的串燒店,但這裏的人流都不少。店子設計簡約,可以坐到二十多人。點餐紙的食物種類大部份以海膽為主,其次是一般串燒食品,而且飲品的款式也很多,令人花多眼亂呢~~店員還會主動介紹是日特色食物塔門海膽炒飯幾乎是必食之選,粒粒金黃的飯粒鋪上新鮮的海膽,令人食指大動呢!~海膽要趁新鮮即刻食,耐左唔好味。放入口就食到海膽的甜味,證明是新鮮呢,完全唔苦,炒飯唔會太油,有咬口,份量適中。燒茄子,孜然粉同蒜蓉好惹味,十分好食!!!!海膽汁炸雞,甜甜地的海膽汁配炸雞都幾特別,雞件醃得入味,脆卜卜好香口。海膽汁燒脆肉瓜,中間夾有千島醬,脆肉瓜的清甜加上海膽的濃味,好夾又帶點清新,消除油膩感。由於係即叫即燒,所以需要等待一些時間,但總括都唔會要等太長時間,店員的態度友善。