二人餐大約$400左右一位，4 course 再加嘢飲，價錢算合理！
頭盤揀咗健康嘅慢煮雞胸沙律同埋最邪惡嘅炸午餐肉，炸午餐肉有驚喜，香脆好味，配埋焗芝士，拉絲的，好味道👍
然後飲碗熱湯，暖暖的。
我哋揀咗兩個唔同嘅主菜，啤酒三黃雞都幾好味，餐廳揀咗嘅啤酒比較特別，坊間唔容易買到㗎！ 雞皮烤得香脆，雞肉味道稍嫌清淡，整體感覺都唔會覺得好heavy~
第一個主菜係澳洲牛側腹肉配沙嗲汁，食肉獸一定要嗌呢個啦，份量十足㗎！牛側腹肉比較瘦，肉味突出，估唔到同沙嗲汁都幾夾。
最後食埋甜品，成個餐真係好飽啊！
