泰排檔

营业中

休息中

網上搵到呢間人氣大熱排長龍的泰國菜，7點排到8點左右，可入座，天氣涼左，排隊無咁辛苦。店仔細細都算多座位，但服務熱情，餐廳又有氣氛，都幾吸引。價錢唔算貴，細細份好似食多幾款。和牛船麵 $98和牛好嫩滑，牛味濃郁，但湯頭仲正，有豬骨同豬血煮，仲有好重香料味，係辣左少少，牛丸都好爽彈，個粉吸哂湯汁，超好味。啖啖蟹肉奄列 $168超大份超多蟹肉，蟹肉扎實一梳梳，包著滑蛋同蛋汁特別嫩滑，唔使醬汁，食出蟹味同蛋香。沙嗲雞，豬 $98每樣3串，雞肉嫩彈，豬肉爽口唔乾，可配3款醬汁食，沙嗲帶花生香，魚露汁咸咸甜甜帶鮮味，仲有款甜甜地青瓜洋蔥辣椒汁。飛天通菜 $68好有鑊氣好香，越食越辣好過癮，份量幾多，好抵食。芒果糯米飯 $78芒果好甜好多汁，果肉好香又結實，配滑滑椰奶糯米飯，軟糯香甜，份量仲幾多，超正。