點心到 (廟街)

营业中

休息中

另一半表示好耐冇去飲茶，今晚放工走去呢間新派點心餐廳開餐，人少少都要飲餐茶，嘆下一盅兩件。餐牌入面有唔少選擇，傳統嘅點心、蒸飯、甜品、甚至乎茶以外嘅飲品都有。好多點心都係每籠兩至三件，就算只係二人同行，都可以試多幾款野食。點心質素大致都唔錯，即叫即蒸，熱辣辣。當中有幾款特別推介，包括黑金流沙包，賣相吸引之餘，奶黃整得好味。黑松露菜苗餃好精美，加咗黑松露提升咗菜苗餃嘅味道，蘿蔔糕煎得十分香脆，燒賣都好足料。另一個要推介係籠仔蒸飯，分量大，味道好，超值呀。餐廳屬於新派點心小店，夜晚都keep住坐滿，價錢都幾實惠，想食下點心或者蒸飯，都係一個好嘅選擇。