醉胡爐 (已搬遷) 新店位置

是日家人聚餐，一年四季都鍾意打邊爐既我們，今日要食餐好嘅先，圍埋一齊打邊爐最開心，今日選擇咗去柯士甸路既醉胡爐，見到好多推介介紹佢哋嘅胡爐醉八鮮鍋，據說湯底好得，同埋胡爐十二道牛盛盒，可以一次過食咗好多款唔同嘅牛肉部位，今日我哋四個人嚟食就啱晒👍🏻餐廳裝修型格，有別於一般打邊爐店，最有特色嘅喺房同埋大廳各佔一半座位，我們四個人已經可以坐房，私隱度甚高，傾偈都傾得方便啲，非常之好🍲▪️胡爐醉八鮮鍋 鍋底有八款海鮮：青龍蝦、鮑魚、花膠、魚翅、花枝、青口、花螺、卜卜蜆，首先會倒酒炒香材料，令鍋底充滿濃郁酒味，再加入龍蝦高湯去煮，成個鍋底勁鮮甜，首先一定要飲咗湯先，鮮甜到不得了，海鮮味道亦非常鮮味，推介👍🏻👍🏻🍲▪️胡爐四格鍋 啱晒選擇困難症同埋樣樣都想試嘅朋友，同埋我嘅家人有啲好鍾意食辣有啲又唔食辣，所以呢個四格鍋就啱晒🍀皮蛋芫荽~非常清新嘅芫荽味，清清地又冇咁熱氣🍅蕃茄薯仔~好足料，就咁飲湯就已經好好飲，好似喺屋企飲湯嘅味道🥘香濃沙嗲~沙嗲味道超級濃，有如食緊濃厚嘅沙嗲牛肉麵嘅味道，好正🌶四川紅麻辣~呢個我最鍾意，夠麻夠辣，配上台灣鴨血，豬皮，真心呢個湯底做得好正🐮▪️胡爐十二道牛盛盒 可以一次