明記甜品 (吳松街) (已結業)

去開佐敦食晚餐嘅話,有陣時都會去吳松街呢間明記甜品食下中式糖水,雖然環境非常非常非常地踎,不過佢一碗糖水都係十幾蚊左右,價錢真係唔貴.呢次我就叫咗馬來亞喳咋,佢入面有好多芋頭,紅豆,眉豆,紅腰豆,三角豆等等,非常足料,佢哋仲將啲雜豆煮到有少少起沙,令到成個糖水嘅質感都好濃同好稠,食起嚟個味道就唔會太甜,椰汁味亦都幾突出,以十幾蚊一碗嘅中式糖水嚟講性價比都真係幾高,我食完呢一碗之後已經覺得有少少飽喇.