招點薈 (已結業)

Lunch約咗朋友去佐敦食西餐，見呢間評語唔錯 ，價錢合理。 我哋一人叫一個lunch set，再share。叫咗紅菜頭忌廉蘑菇意粉同埋香煎青衣魚柳。每個餐都有是日餐湯，今日個餐湯係南瓜忌廉湯。個湯非常滑溜，忌廉味好重，幾好飲。我哋仲叫咗個蟹子檸檬醋沙律share，裏面有粟米粒，沙律菜，車厘茄同蟹子，都幾新鮮，檸檬醋酸咪咪好開胃。紅菜頭意粉賣相好靚，粉紅色嘅外觀啱曬女仔。意粉有少少椰汁味，好香，裏面好多野菌夠曬健康。煎青衣魚柳調味上偏鹹少少，但魚柳煎得非常香 ，肉質新鮮，都幾大嚿，好厚肉。配上唔同種類嘅烤蔬菜，仲有焗薯角，營養好均衡。