南洋 (已結業)

天氣悶悶焗焗，真係要揾下d開胃野食，今日有d野搞要去佐敦，就search下附近有咩好野食，揾到間叫"南洋"既星馬餐廳,一於辦完事，約埋朋友去試下，唔難揾，地鐵站出黎行2分鐘就到店內裝修好靓，令人好舒服，好relax餐牌好多選擇，基本想諗到既都有睇完之後就決定左，去星馬餐廳，點可以唔點肉骨茶，佢地個肉骨茶份量好大，仲要係用金沙骨，啖啖肉，我以往食既肉骨茶d骨得1-2條，仲要係得條骨，依碗唔同，有成4條金沙骨，咁先食得過癮。朋友就叫左碗龍蝦喇沙摻摻，朋友真識食，食龍蝦，開頭以為只有半邊龍蝦，點知原來原隻龍蝦上，仲要係好多膏，首先飲一啖喇沙湯底先，好甜，再加埋龍蝦鮮，我朋友成碗連湯清晒。睇下幾爆膏。叫多個芒果軟殼蟹米子卷，個軟殼蟹即叫即炸，所以食嗰時外軟內脆，加埋佢地自製既甜酸汁，點黎食好開胃。依杯牛油果沙冰，係一定要飲，好足牛油果，一d都冇求其，材料十足，又唔會太甜。