Sense Cafe (已結業)

公司搬office前夕，想打多幾篇佐敦食評，因為佐敦太多好野食，好想介紹下俾人，等多人去試下。呢間餐廳位置唔係咁當眼，晌pizza hut隔離座商業大廈搭lift上一樓。Set lunch包括：蘑菇湯+主菜+飲品🍽蘑菇湯好香充滿蘑菇蓉，唔係普通茶記嘅餐湯。🍽蒜香露絲瑪莉羊架 $108我至愛，我每次嚟食都係呢個羊架，煎得好香口好味，仲可以點埋薄荷啫喱嚟食減油膩。配埋炸薯條都係非常香脆，份量啱啱好我次次都食得晒。🍽厚切豬肉眼扒配士多啤梨燒汁 $78同事唔食羊架，叫左厚切豬份量都好大塊，不過肉質就睇彩數了，因為同事第一塊食落係勁juicy，但第二塊明顯肉質鞋好多，應該部位唔同瘦左d冇咁好食，但士多啤梨汁都幾特別，可減肉眼扒嘅油膩感。☕️飲品: 除左正常咖啡奶茶檸茶外，仲有熱情果茶好飲，亦可以加錢轉特色咖啡。