響 - Hibiki 日本燒肉 (已結業)

情人節前夕，同老公走去撐檯腳提早慶祝，今次老公揀咗佐敦嘅「響-Hibiki日本燒肉」。一睇個舖頭名就知道係食燒肉，佢嘅燒肉放題提供咗唔同種類既肉俾你慢慢燒。燒肉包括澳洲和牛西冷、澳洲和牛胸腹、肉眼同西冷、仲有美國牛肋骨、米澤三元豚西冷等等，款款都好新鮮又夠Juicy，食完呢盤真係大滿足，屬於高水準嘅燒肉店。除咗燒肉外，驚喜之處係送埋海鮮拼盤（蠔、鮑魚、翡翠螺、蝦、喜之次），今次真係食到舔舔脷。燒肉質素已經夠高，估唔到刺身拼盤更震撼，簡直比美高級日式料理餐廳。海膽肉厚，入口甘甜。帶子、三文魚、甜蝦等鮮味滿分。講到明放題，當然仲有天婦羅、炸物啦。雖然款式唔多，勝在新鮮同大大件，啱哂我地呢類「識食之人」！一頓完美的晚餐都需要一道甜品作結尾。呢間餐廳好事成雙，有抹茶慕絲同檸檬撻😆，而壓軸當然係食Movenpick雪糕，朱古力、意式奶凍、楓糖合桃同特濃咖啡任勻選擇，為這餐劃上完美句號！