肉餅哥小炒料理 (已結業)

今日係荃灣做野，同事就問有冇興趣一齊食個飯，我問佢有咩介紹，佢就話帶我食家常便飯，原來佢帶去食肉餅，哈哈，果然是家常小菜去到都幾爆滿，要等一陣，都有好多街坊黎買外賣。等左一陣就入座，一坐底就有一碗湯老火湯送上黎，等你飲住湯睇餐牌，係木瓜湯，飲落唔味精，亦唔咸，不錯👍睇睇餐牌，佢地d肉餅餐好多選擇，好有創意，我地望下隔離枱，都幾多人點足三兩花膠蒸肉餅同秘制金沙蛋黃煎肉餅，咁我地就唔洗咁煩惱，就食呢2款，我地仲加左芥香木耳小食。先上枱係秘制金沙蛋黃煎肉餅加菜飯，咸蛋黃香味四溢，加埋煎過既肉餅，呵呵！跟住黎埋足三兩花膠蒸肉餅，其實見到都真介係呆左一呆，堅係大大煲，花膠都真係足三兩，絕無欺場，色香俱全。我跟同事已經急不及食指大動，煎肉餅好香，加埋咸蛋黃堅係絕配，超正！出去食飯食花膠，一般都唔會比大大舊同厚既，呢個花膠肉餅套餐，有4-5舊大大塊既花膠，食完都覺得自己好養身兼養顏！肉餅哥既套餐份量都幾大份，夠晒飽，讚讚讚！