吉祥冰室 (已結業)

星期六日當然要來出街放鬆吓，見到呢一間冰室都有特色小炒，坐得幾舒服。就入嚟試吓先😘同friend叫咗兩個小菜，都覺得好好味。水煮牛肉嘅份量好多，好足料，而且牛肉片煮得嫩滑，爽口彈牙。🥢再加埋豆卜，更加入味。梳晒啲汁一齊食，真係好正~另外一個係港式特色咕嚕肉，咕嚕肉炸得香脆可口，而且有蕃茄汁酸酸味味好開胃😍掛汁掛得好靚，而且食落去醬汁教得啱啱好👍酸得來又唔會太甜，🍅我同朋友都好鍾意。佢哋嘅三色椒同埋洋蔥，更加可以提起菜嘅鮮味。