岩石牛扒屋 (已結業)

屯門紅橋一向有好多小店，有間岩石燒牛扒屋，大大塊熱辣辣既燒牛扒，百零蚊元就有交易，今晚特登走去試下！先來前菜+湯沙律菜配芝麻醬， 基本上係冇得輸，蔬菜新鮮爽脆，仲有兩片蘋果tim，好開胃。蘑菇粟米忌廉湯飲落有奶香味， 食到有粒粒粟米有口感，唔錯。明太子雞翼啱啱炸起脆卜卜， 雞肉嫩滑， 裏面的明太子唔會過咸。👍🏻安格斯牛肩肉 200g熱石爐上擺放著手掌咁大既牛肉，咋咋聲，口水都流埋，燒過3分鐘後，大約八成熟， 入後會有一陣牛肉香味，冇雪藏味，肉質嫩腍，而且仲好juicy。我鐘意加埋燒汁食仲更加惹味。配菜中，我最欣賞薯蓉，石燒低陪的薯蓉最後變咗薯片🤣🤣卡邦尼意粉啖啖都有蘑菇碎同煙肉，材料十足， 口感creamy，奶味香濃，但略嫌意粉煮得過淋，冇彈性。