神輿日本料理 (已結業)

再次黎到旺角幫襯呢間放題，地點方便就唔洗多講，佢地嘅坐位比較闊落，可以同屋企人坐得舒舒服服咁食兩個鐘頭放題，真係幾開心嘅當然佢地嘅食物質素先至係我地再次光顧嘅主要原因，其實香港咁多日式放題，如果唔係有特別高價食品任食的話，基本上價錢唔相差得太多，而呢間放題嘅收費係正常水平，但佢地d刺身相當新鮮，特別個八爪魚係比出面食到嘅好，帶子亦夠鮮甜，其他各種刺身都有水準，中意食魚生嘅朋友經開旺角可以一試其他推介有佢地個芝麻雞亦，炸得剛剛好唔會過火，南瓜同蕃薯天婦羅都好得，食材好炸完出黎除左香仲夠甜，相當唔錯當然亦有美中不足嘅地方，卷物我一坐低就order，要追先話有單不過做緊，但係已經order左over半個鐘，另外飲品同甜品種類如果可以再多d就真係冇得頂了！