謝謝儂 (東港城) (已結業)

之前食過一次覺得唔錯，已經耐到自己都唔記得咗箇中味道，記得嗰陣心諗下次一定會再食，點知次次過去東港城都揀咗其他食物就忽略咗謝謝儂，可能因為佢個位比較埋平時好少行過去，前幾日，諗唔到想食咩，有冇咩胃口，突然間有啲想食類似陽春面咁嘅嘢，同大爺行暈成個東港城終於行到謝謝農面前停低咗，平日晏晝大把位唔需要等，於是嗌咗兩個下午茶餐，係有一個主食加一款小食仲送多一杯凍豆漿，豆漿都有水準，由於我太頸渴姑姑估就飲晒啦！我哋就叫咗一個牛肉麵+1個擔擔麵，小食叫咗我最愛嘅小籠包，另一份係蔥油餅，全部食物都冇失望，賣相都唔錯呀，牛肉麵啲牛肉炆得好夠林好香牛味，麵湯都好入味，好好味呀！呢間既擔擔面就偏辣少少，好農味好適合我嘅口味啊，由於擔擔面係大爺叫嘅但佢又唔食得辣喎所以食唔到標晒汗，於是就同我換咗個牛肉麵啦，根本就係見到個牛肉麵好食坤我同佢換兩個小籠包都不過不失多汁，而蔥油餅熱辣辣脆卜卜都幾值得一試。每個餐加十零蚊可以再另外追加小食，每份下午茶有飲品有主食有小食都只係$45咋，喺商場入面開飯黎講係非常抵食。