神座日本料理 (已結業)

今日去食午飯，諗住食返少少好西獎勵下自己。叫左個五色刺身定食，五色係指：三文魚、吞拿魚、八爪魚、帶子、蝦。咪道一般，份量更加唔使講，每樣2-3塊。飯係普通米，唔係珍珠米。連我最基本日本餐廳既預期都達唔到，失望。Hea前菜，hea味噌湯就唔使講，但hea前菜同味噌湯都尚可以接受。問題係呢度收左我$92，我用左$92喺一間日本餐廳食左接近爭鮮質素既野。如果佢係d 40-50蚊價位既餐廳，佢比呢d質素既野係我，我就可以話佢係將貨就價，平有平食。但收得我接近$100係咪應該比返少少好d既質素同刺身我呢？d蝦大隻d我都開心d。最大問題係，我今日坐吧枱，個師傅喺我面前整紙皮箱，我食之前就不斷咁聞到一陣酸臭味。呢間野正式blacklist，大家可以唔使去。