Food Combo (已結業)

屯門依一帶其實都好多好嘢食，而且仲開咗唔少新餐廳！今次想試西餐，見到依間新開嘅價錢又唔太貴就一於試吓佢。呢度Menu好簡單但都有齊晒頭盤、Burger、意粉、扒等等！首先叫咗個Combo凱撒沙律($88)加芒果大蝦（$20），好鍾意依度嘅沙律係比你自己撈沙律醬、芝士粉同煙肉脆粒！可以自己調節份量！另外叫咗個芝士蘑菇肉醬牛肉漢堡配薯條（$108），個牛肉厚身又好多汁而且牛味好香！咬落又唔易碎，唔錯！嘢飲方面見佢做緊推廣價大大杯鳳梨冰都係$22！呢個真係好抵飲因為入面係有新鮮菠蘿粒，同飲落都會有少少菠蘿渣所以真係用咗唔少菠蘿打出嚟！清新又解渴。依間小店都真係可以再戰！