煮打菜打冷小菜館 (已結業)

最近搬到了東區，那天正在筲箕灣找餐廳和家人一起吃飯，被那張攞獎的銀魚爆牙肉餅的海報吸引著，便決定入內一試！這裡的設計簡單，環境光猛乾淨，坐得舒服！滷水拼盤(大)吃打冷當然先來一碟-滷水拼盤！豬耳好爽口、八爪魚好滑唔韌，雞腎是最好入味，大腸有嚼口，整體都入味，味道不是只有咸，而係甜甜咸咸的滷水香味。土魷爆牙肉餅店舖主打係個肉餅“籠仔荷香蒸爆牙肉餅” , 因為拎過獎, 店內有很多海報宣傳, 所以必定要試! 用荷葉包墊著，廚師係肉餅中加入豬耳粒同海哲，做法十分特別。很有家鄉風味的土魷爆牙肉餅，面頭鋪上滿滿的土魷，口感一流！想不到肉餅連土魷食落口很match，跟出面平時吃到的是兩個口感！這道獲獎的小菜沒有讓我失望！蒜蓉牛油蜆有驚喜的蒜蓉牛油蜆！小菜打冷館竟然有咁西式煮法嘅一款餸！焗蜆用煎pan盛上，每隻蜆都係大粒厚肉又新鮮。蜆唔會有沙，而且食到鮮甜味。濃濃嘅牛油香加上爆香嘅蒜蓉蔥粒同洋蔥，提升咗蜆嘅鮮同香，十分好吃！潮式爆花蠔餅圓圓的蠔餅佈滿整個碟上，表面好鬆脆，炸得好令仔，裡面包含好多蠔仔，咬落好脆口、吾腥、蛋香滿滿而香口，真的有潮州風味，如果再多D芫茜就更加好。又近我屋企 一定會再去食！