影片
更多
2022-07-02
26 浏览
呢幾年新興嘅生酮飲食係好受歡迎嘅減肥方法，但有時食到悶悶地都想試下新嘢！舖頭裝修係冷色系，偏工業科幻，好有未來感！主要做外賣，但亦有兩個堂食座位，座位好寬落，坐喺舖頭入面食都ok。餐廳主打生酮漢堡包、沙律同多款椰菜花飯，樣樣都好吸引！小店好貼心，比埋Carbs、Fat、Protein嘅資料寫埋係Menu到，唔洗下下都要計，方便曬要計碳水/蛋白嘅酮友同gym友！------------------------------🧀◖金文畢芝士牛肉漢堡◗ $118店員大大力推介，佢係漢堡走包，換成金文畢芝士，勁重本！金文畢芝士好重奶香同芝士味，微微烤過有網紋狀嘅烤痕，食落少少脆口。手打嘅牛肉漢堡扒多汁肉質都好軟嫩，搭配青瓜、蕃茄、生菜蔬菜中和芝士同牛肉嘅油膩感！建議同朋友share，好好食但自己食完一個難免會有啲膩！🍟◖天貝薯條（半份）+ Peach Oolong◗ +$28加錢轉套餐可以有多半份小食同low carbs嘢飲。揀咗半份天貝薯條同蜜桃烏龍茶，半份原來都好多，有成一杯！天貝薯條係高蛋白嘅好選擇，佢表面一粒粒咁，炸過好脆口，食落有少少果仁嘅香味，食落幾過癮！🍔◖煙三文魚牛油果生酮漢堡◗
------------------------------
🧀◖金文畢芝士牛肉漢堡◗ $118店員大大力推介，佢係漢堡走包，換成金文畢芝士，勁重本！金文畢芝士好重奶香同芝士味，微微烤過有網紋狀嘅烤痕，食落少少脆口。手打嘅牛肉漢堡扒多汁肉質都好軟嫩，搭配青瓜、蕃茄、生菜蔬菜中和芝士同牛肉嘅油膩感！建議同朋友share，好好食但自己食完一個難免會有啲膩！
🍟◖天貝薯條（半份）+ Peach Oolong◗ +$28
加錢轉套餐可以有多半份小食同low carbs嘢飲。揀咗半份天貝薯條同蜜桃烏龍茶，半份原來都好多，有成一杯！天貝薯條係高蛋白嘅好選擇，佢表面一粒粒咁，炸過好脆口，食落有少少果仁嘅香味，食落幾過癮！
🍔◖煙三文魚牛油果生酮漢堡◗ $102
漢堡包係生酮漢堡，食落好新奇似少少散嘅麥包咁，唔會好乾無味。生酮包有粒粒藜麥，脆脆地幾香口，夾住兩大片煙三文魚、牛油果、蕃茄同煙肉一齊食，好惹味！
🥓◖日式燒豬腩肉配紫薑◗ $48
有沙律菜墊底，燒豬腩肉唔係好肥，但冇咩味，整得有啲燶有少少苦味。紫薑就同壽司薑差唔多，正正常常。
Encore指數：8.5/10
------------------------------
作為一間專賣生酮食物嘅快餐店，食物吸引好特別，尤其係佢啲芝士漢堡，大大塊芝士勁吸引！所有食物都可以+$28轉套餐，可以試埋佢個小食同有嘢飲，幾抵食！邊個話減肥冇得食好嘢！
张贴
