Home Kitchen

营业中

休息中

前兩日去左何文田Home Kitchan食晚餐，雖位處何文田，但其實離旺角超級近，旺角中心沿亞皆老街一直行，只需要十分鐘左右就可以到達。平日不算多人，個環境好舒服，裝修擺設很有感覺同格調。打開menu，頗多選擇。店員推薦必試日本和牛漢堡，100%來自日本純和牛。另外仲點左個美國安格斯肉眼扒配薯條，九成熟。講下個和牛漢堡set餐先，看起來好似好細個咁，其實份量超足，牛肉味好出，自家手打漢堡果然出色。配上生菜蛋汁，令個包食起來超正，一d都唔會乾爭爭。跟餐仲會送一杯飲品添，我地點左凍檸樂，都幾大杯。再黎到九成熟既安格斯肉眼扒，不得不讚。賣相好靚好精緻，牛扒煎得很香，牛肉瘦得黎又有少少脂肪，仔細品嚐，牛味超重，齒頰留香。輕輕點一下黑松露醬，令整個扒都昇華了，牛扒上放置了一d煎香了得菇片，增加咬感同菇香。呢個餐仲配埋薯條，厚切，香香脆脆的，凍左都好好味！呢間餐廳有唔少既養顏美容既花茶提供，例如我地點既茉莉花茶，賣相超靚，口味清新，潤喉，瞬間感覺很健康養生。