糖人佳 (已結業)

食完甘味唔多滿意的一餐後, 我們從openrice中得知位於置樂花園隔離的彩華花園有間糖水舖都好似有唔錯的評價, 於是決定一試. 坦白說, 這兒的地點其實真的幾偏僻, 我之前住了屯門一段日子, 都沒有到過, 最多只是去過置樂花園而已, 幸好位置都唔算難找, 店子size不太, 是小店經營的模式, 今次點了芝麻糊併豆腐花, 蕃薯糖水以及糖不甩.芝麻糊併豆腐花芝麻糊單看顏色, 就知不是自家制即生磨那種, 只是開粉沖的, 幸好還不算太甜, 但真正的芝麻香味則欠奉了. 豆腐花幾滑, 而且唔會太碎, 不過豆腐味就唔太夠, 一般水準啦.蕃薯糖水啲蕃薯煲得很淋身, 好吃, 但薑味唔夠濃, 失分! 吃完後令我好懷念佳佳的勁薑蕃薯糖水.糖不甩湯丸本身唔夠煙韌彈牙, 但係個花生芝麻好好味, 真的是用芝麻及花生磨成粒, 非常之香, 不是很多地方的只用花生粉, 為湯丸挽回不少分數.整體來說雖然唔算十分出色, 但都唔太差, 起碼唔會一吃就覺得不知所謂, 有機會都會再次幫趁的, 雖然位置真的唔太就腳.