陳小館 (已結業)

由於阿媽好喜歡飲茶，難得閒日放假就決定同佢四出搵食，唔好來來去去都係屋企樓下個間茶樓。今次就揀左位於尖沙咀The One商場附近的陳小館，店面的透明玻璃已經見到疊著很多點心蒸籠，行近香味撲鼻，點心仲要即叫即蒸，送上枱時夠哂熱辣辣。餐牌除左飲茶點心外，仲有小菜、燉湯等，都幾多選擇，而且價錢方面都十分合理。白金流沙包 - 個包漲卜卜，搣開個包後，內裡的流沙包湧出來，咸蛋黃味道濃郁。白玉棉花雞 - 魚肚大大片，雞肉好多舊，好豐富。黑魚籽燒賣 - 面頭似係打扁咗既墨魚丸，整粒燒賣都好好食。金箔蝦餃皇 - 皮薄，蒸到晶凝通透，蝦肉彈牙，配上金箔點綴，又好食又好睇。砂鍋鳳爪排骨飯 - 鳳爪同排骨都唔錯，但米飯最深得我心，雖然唔係乜嘢珍珠米，不過粒粒分明，好正，配上少量豉油，我又扒多兩啖飯了。有雞先定有蛋先？（安蝦咸水角配原隻薑汁蒸蛋） - 咸水角夠脆口，阿媽擺放左一陣食都仲香脆，個餡味道恰恰好。另外原隻薑汁蒸蛋係凍凍地嘅，細細隻唔太甜，作為一個早茶結尾的甜品，Good。員工服務態度良好，環境乾淨，座位寬敞，依家仲要因為新開張有優惠，全日免茶芥㖭，推介大家都可以來幫襯，飲啖靚茶食個包。