影片
更多
2017-07-28
175 浏览
收工就去到觀塘工業區附近睇吓有乜嘢食，見到有一間位於大街嘅西式餐廳，好多上班一族喺呢度飲嘢傾計、食晚餐，見到餐廳入面環境都幾靚又舒服，所以就入咗去。店員安排左我哋坐四人枱嘅沙發位，而且靠近落地玻璃窗邊仲有啲高枱高櫈位置，最適合兩個人傾心事，而且望出去好開揚，就算揸車嚟都可以泊係出面，非常方便。餐牌除咗有食物散叫外，仲有「二人套餐」同埋「Happy Hour啤酒推廣優惠」，而特色飲品同埋酒精類飲品都有多款選擇。除此之外，餐廳牆上面都會展示當天特別推介食物，食物多元化，多選擇。坐低左首先有一份「餐包」一共三塊，再點埋啲醋汁一齊食，開胃之選。「水牛城辣雞翼」係餐廳嘅廚師推介小食之一，雞翼賣相非常吸引，而且雞翼大大隻，雞翼上面仲有水牛城辣汁鋪滿住，好滋味咁，食落去果然肉汁即刻滲透哂出嚟，食得出係新鮮即炸，而且外皮香脆，有少少辣的感覺，好滋味。之後叫咗兩個「薯仔蓉餐湯」，湯上面有幾粒蒜蓉包粒點綴，仲有啲香草，飲落去果然係新鮮即整的香濃薯仔蓉湯味道，啖啖薯仔融化咗的感覺，好特別。之後叫咗個主菜一齊share食，就係「燒豬肋骨」，最優惠嘅係如果揀主菜一款，就可以配餐牌下列位置四款配菜之一，我哋就揀咗
收工就去到觀塘工業區附近睇吓有乜嘢食，見到有一間位於大街嘅西式餐廳，好多上班一族喺呢度飲嘢傾計、食晚餐，見到餐廳入面環境都幾靚又舒服，所以就入咗去。
店員安排左我哋坐四人枱嘅沙發位，而且靠近落地玻璃窗邊仲有啲高枱高櫈位置，最適合兩個人傾心事，而且望出去好開揚，就算揸車嚟都可以泊係出面，非常方便。
餐牌除咗有食物散叫外，仲有「二人套餐」同埋「Happy Hour啤酒推廣優惠」，而特色飲品同埋酒精類飲品都有多款選擇。除此之外，餐廳牆上面都會展示當天特別推介食物，食物多元化，多選擇。
坐低左首先有一份「餐包」一共三塊，再點埋啲醋汁一齊食，開胃之選。「水牛城辣雞翼」係餐廳嘅廚師推介小食之一，雞翼賣相非常吸引，而且雞翼大大隻，雞翼上面仲有水牛城辣汁鋪滿住，好滋味咁，食落去果然肉汁即刻滲透哂出嚟，食得出係新鮮即炸，而且外皮香脆，有少少辣的感覺，好滋味。
之後叫咗兩個「薯仔蓉餐湯」，湯上面有幾粒蒜蓉包粒點綴，仲有啲香草，飲落去果然係新鮮即整的香濃薯仔蓉湯味道，啖啖薯仔融化咗的感覺，好特別。
之後叫咗個主菜一齊share食，就係「燒豬肋骨」，最優惠嘅係如果揀主菜一款，就可以配餐牌下列位置四款配菜之一，我哋就揀咗「焗芝士通心粉」。首先個豬肋骨好大條，見到啲醬汁鋪滿晒喺豬肋骨嘅表面，切落去肉質好鬆軟，唔使好大力切都切到，而且豬肉同肋骨分明，驟眼睇都好多肉，而且啲骨好幼身，食落去啖啖肉。除此之外，豬肋骨肉質鮮嫩，口感好爽，Mix 埋啲醬汁一齊食冇得頂，必食！
Pasta我哋就叫左「烤蕃茄雜菌扁麵」，意粉比較乾身爽口，而且見到啲麵條比較深色，蕃茄雜菌鋪滿意粉上面，好足料！食落去意粉好入味，滿口都係雜菌番茄味道，一啖已經食到唔同嘅口味，好味道！
食咗咁多野，係時候叫番啲飲品飲下，我哋分別叫咗一杯「橙汁」同埋「花茶」，最特別嘅係花茶係一大壺上的，比客人自己斟嚟飲，花茶味道香濃，我朋友話飲極都飲唔晒咁，好抵飲！總括而言，價錢合理，而且食物質素有水準，地方方便，所以下次會再幫襯！
张贴
