R.I.M.K (已結業)

呢間必須要好評，因為位於旺角區嚟講用咁嘅價錢食到咁嘅質素係相當性價比高， 食物質素非常高質，今次食咗佢嘅軟殼蟹蒜香意粉估唔到隻軟殼蟹有成隻手咁大隻 ，兩個人share一人半隻都夠， 仲有佢嘅墨魚汁帶子意大利飯極度推薦非常好食， 我係揀佢嘅set lunch嚟食， 包埋餐湯同埋嘢飲，佢嘅湯唔係一般嘅龍蝦湯，裏面充滿咗龍蝦肉碎非常鮮味， 飲品方便最令我驚訝嘅唔係一般嘅茶或咖啡， 可以選擇唔同嘅特飲都只係加十蚊，超級抵真係，我就叫咗杯 抹茶雪糕 latte。 最後仲有令我驚喜嘅就係甜品， 佢又唔同嘅 cheesecake可以選擇， 而環境方面亦都非常舒服。 呢一間必定會再嚟食！