影片
更多
2022-09-08
39 浏览
📌 叁不馆 - 天后电气道68号金轮天地7楼🗓(8/9) 星期四 ⏰ 晚上8点左右 💈特式：位于天后嘅黄店火锅舖，餐厅装修好有怀旧香港嘅特色，感觉好地道，香港人一定有共鸣，同埋见到Openrice竟然攞到一致好评，似系好有料到，所以就嚟同大家试下佢。🥩🍔🌭🌮🥗🥯🥘🍲🍝🍣🥟🍤🍱食物：睇返佢份menu，又似报纸，又似通胜，又似马经，真系好鬼特别，餐厅所有野都系以散叫模式种类好多，真系睇到人花多眼乱，事不宜迟等我同大家讲下味道先......酱料 - 我好少特登讲下酱料，但佢真系值得我讲下，首先酱料选择唔算好多，但职员推介嘅沙嗲酱同葱头油我都有试，真系好正，个沙嗲酱系带甜，但沙嗲味做得好香，个葱头油就更加正，职员有提我点都落少少增香，系真系好增香，炸过嘅葱头个阵香味出晒嚟，好浓郁。汤底🥘 - 汤底就叫左个🍅🐮笑茄茄牛腩汤，上汤个时职员都有讲渌野食之前可以先饮啖汤先，一饮真系好似细个妈妈煲嘅蕃茄牛腩汤咁，好正，入面仲有几旧牛腩，虽然唔系炆到好林淋，但呢几旧牛腩牛味真系非一般咁浓，超好食。火锅料 - 叫左顶级安格斯牛颈脊(例牌)/手打五宝丸/牛柏叶/花枝片/皇帝菜，叫呢几样已经好够食。牛
🗓(8/9) 星期四 ⏰ 晚上8点左右
💈特式：位于天后嘅黄店火锅舖，餐厅装修好有怀旧香港嘅特色，感觉好地道，香港人一定有共鸣，同埋见到Openrice竟然攞到一致好评，似系好有料到，所以就嚟同大家试下佢。
🥩🍔🌭🌮🥗🥯🥘🍲🍝🍣🥟🍤🍱
食物：睇返佢份menu，又似报纸，又似通胜，又似马经，真系好鬼特别，餐厅所有野都系以散叫模式种类好多，真系睇到人花多眼乱，事不宜迟等我同大家讲下味道先......
酱料 - 我好少特登讲下酱料，但佢真系值得我讲下，首先酱料选择唔算好多，但职员推介嘅沙嗲酱同葱头油我都有试，真系好正，个沙嗲酱系带甜，但沙嗲味做得好香，个葱头油就更加正，职员有提我点都落少少增香，系真系好增香，炸过嘅葱头个阵香味出晒嚟，好浓郁。
汤底🥘 - 汤底就叫左个🍅🐮笑茄茄牛腩汤，上汤个时职员都有讲渌野食之前可以先饮啖汤先，一饮真系好似细个妈妈煲嘅蕃茄牛腩汤咁，好正，入面仲有几旧牛腩，虽然唔系炆到好林淋，但呢几旧牛腩牛味真系非一般咁浓，超好食。
火锅料 - 叫左顶级安格斯牛颈脊(例牌)/手打五宝丸/牛柏叶/花枝片/皇帝菜，叫呢几样已经好够食。牛颈脊都好大碟，好重肉味，肉质又唔韧；手打五宝丸真系值得推介，好好食，排位系(牛丸/虾丸/猪肉丸/墨鱼丸/鲮鱼丸) ；牛柏叶同花枝片就好新鲜渌两渌就食得，好鲜又爽口。
☕️🍵🥤🧋🍺🍷🥃🍹🧉🍾🍶🥛
饮品 - 饮品都好多选择，有凉茶/汽水/啤酒/烧酒同樽装茶等等，我就当然叫打边炉唔一定少得嘅啤酒。
🍽环境：餐厅环境真系一大卖点，佢装修用左老香港6~70年代嘅风格，玩味十足，有劲多打卡位，无论坐边个位置都有唔同嘅特色，就连用嘅餐具都好特别，嚟到呢度除咗食野仲好似去咗参观博物馆咁。
🤵🏻🤵🏻♀️🤵🏻♂️服务：餐厅职员好nice，会同客人倾下计/交流下/互动下，每位客人职员都会好详细咁解释餐牌，同埋会自动介绍下今日有d咩靓海鲜推介，上酱料时亦会每样介绍，等你知道唔同酱料嘅配搭，适当时亦会主动询问客人需唔需要加汤之类。
💰💸价钱：今日叫到成枱嘢，埋单都系$800左右，佢比到你呢个环境/味道/质素都叫做好合理，我谂应该会再次带朋友嚟帮衬。
🐲💬总结：可能我都算上左年纪，见到呢间餐厅嘅怀旧香港装修，都会勾起我好多儿时回忆，同朋友食下/倾下，讲下以前细个嘅往事咁又过左一晚，所以有时一间餐厅，除咗野食要好食之外，餐厅嘅环境同布置都相当重要，所以今餐饭我同朋友都10分满意
推荐指数：❤️❤️❤️❤️🤍
顶级安格斯牛颈脊
3 浏览
0 赞好
0 留言
张贴
