銘興山西刀削麵 (厚福街) (已結業)

刀削麵比較似759現成一包包嘅，每一條都冇分別，冇彈性冇咬口，同正宗嘅手切刀削麵好大分別，應該係肥肥短短，長短相若但唔會好似咁樣條條倒模咁款，呢碗嘢你話佢係上海麵我都信。至少湯底嚟講，相信都係味精湯底，得個咸字，冇層次，冇乜好講，食後會口乾。不過將成碟麻辣豬耳連汁一次過倒落去食會比較好食，叫做呃吓自己。環境嚟講都算坐得舒服，有紙巾提供，加分位。厚德街呢個位置嚟講$60+話貴唔貴，不過所謂刀削麵完全唔係嗰回事，所以下次都係不了。