影片
更多
2016-01-29
2636 浏览
繼Chico Chica，又去試另一間西班牙菜店。其實觀乎店面格局，呢度比較似酒吧，除左高高嘅枱櫈，大大個吧枱，仲有兩大部電視播緊球賽，當中唔少人都係為睇波飲酒同吹水而去，搞到好似得我地係餓鬼上身去食晚飯。酒唔係我地的喜好，所以冇飲西班牙酒Sangria（其實都想試試）。黎呢度就主攻Tapas同其他菜式吧。先講最多人點的脆烤乳豬件配自家製酸椰菜薯蓉（$88），呢個價錢得5-6件，如果貴一點的$168，就有1/4隻。乳豬皮光滑得來非常脆，鹹度一般，但越食越有味。墊底的薯蓉吸左乳豬的油分外香。酸菜冇預期的酸，反而甜甜地，都可以中和乳豬的油膩。西班牙菜以外，呢度都有pizza、pasta等等意菜供應。我好喜歡芝士，如果去親pizza店見到四式芝士薄餅（$108）一定會點，反正我一向唔鍾意料多的薄餅。一上枱你會好奇佢到底係咪pizza，因為餅底薄到好似餅乾（好彩我鍾意薄身薄餅），入口當然非常脆，但鋪面的芝士煙韌又有拉絲效果，又香又濃，讚。主菜點左羅勒辣肉腸炒藍青口配蒜蓉多士（$128），我一向少食青口，因為怕肉太韌，但呢度係細細粒，質感似蜆肉，唔難咬。辣肉腸分量唔多，但都幾好食。最正係煲内用蒜
其實觀乎店面格局，呢度比較似酒吧，除左高高嘅枱櫈，大大個吧枱，仲有兩大部電視播緊球賽，當中唔少人都係為睇波飲酒同吹水而去，搞到好似得我地係餓鬼上身去食晚飯。
酒唔係我地的喜好，所以冇飲西班牙酒Sangria（其實都想試試）。黎呢度就主攻Tapas同其他菜式吧。先講最多人點的脆烤乳豬件配自家製酸椰菜薯蓉（$88），呢個價錢得5-6件，如果貴一點的$168，就有1/4隻。乳豬皮光滑得來非常脆，鹹度一般，但越食越有味。墊底的薯蓉吸左乳豬的油分外香。酸菜冇預期的酸，反而甜甜地，都可以中和乳豬的油膩。
西班牙菜以外，呢度都有pizza、pasta等等意菜供應。我好喜歡芝士，如果去親pizza店見到四式芝士薄餅（$108）一定會點，反正我一向唔鍾意料多的薄餅。一上枱你會好奇佢到底係咪pizza，因為餅底薄到好似餅乾（好彩我鍾意薄身薄餅），入口當然非常脆，但鋪面的芝士煙韌又有拉絲效果，又香又濃，讚。
主菜點左羅勒辣肉腸炒藍青口配蒜蓉多士（$128），我一向少食青口，因為怕肉太韌，但呢度係細細粒，質感似蜆肉，唔難咬。辣肉腸分量唔多，但都幾好食。最正係煲内用蒜頭、牛油煮的湯汁，非常鮮味，用蒜蓉包吸滿湯汁食一流。剩下的湯汁都唔好嘥，當湯飲，不過因為保溫度極高，小心燙口。
值得去指數：
张贴
