金牌小龍 (已搬遷) 新店位置

Open rice 送免費戲飛, 於是揀咗新戲院The One. 未睇戲之前, 當然要搵嘢食先啦! 因為唔太肚餓嘅關係, 所以揀咗呢度, 甫坐低就有種似曾相識嘅感覺. 噢! 鼎泰豐是也. 真係幾似.金牌小籠飽 - 皮做得都幾薄, 不過又係覺得個頂厚咗dd. 湯足, 但係個餡味道一般.韮王鍋貼 - 長條型, 個鍋貼底有個薄片煎得幾脆, 可惜個餡同小籠飽一樣.水晶蛋 - 都做到溏心嘅效果, ok既.排骨湯麵 - 排骨同麵分開上, 而排骨就無骨既, 味道帶點五香粉味, 唔錯!台式滷肉飯 - 一見到個size就覺得好的骰, 不過個人覺得除咗滷蛋外, 滷肉味道麻麻.後感 : 呢度地方太窄, 感覺好迫.