影片
更多
2022-06-22
155 浏览
🔖 𝑩𝒖𝒃𝒃𝒍𝒆 𝑻𝒓𝒆𝒆 | 𝑲𝒘𝒖𝒏 𝑻𝒐𝒏𝒈係觀塘搵好嘢食，然後見到呢間西餐廳Openrice好評如潮，仲入圍咖啡室開飯熱店，就一於黎試下。前一日已經Openrice Book好咗午市時間到訪。.當日準時到達，不過原來餐廳係自助形式，比較似快餐店，亦冇人係門口招待客人。咁我唯有行入餐廳最入嘅點餐位同佢講我Book咗位。但當日全場都滿曬，所以員工都叫我企番出去等。等咗大概十分鐘終於有人走，而員工汁完位叫我入去坐。唔係話等得耐，但係覺得佢個Booking System冇咩用，完全係快餐形式，都係等啲人食完走先有位坐而唔係留枱比你😂，咁Book黎都好似冇咩用喎。.餐廳係以自助形式，自己去攞餐具、水、用QR Code落單同攞餐。餐具雖然佢話用紫外光消毒過，但我用水再洗都見到有一層油喎😶🌫️。上網見到有人話有菜乾係餐具上面，強烈建議大家清洗乾淨先好用。.講番食物，叫咗餐廳最出名嘅日本飛驒牛漢堡滑蛋蓋鐵板拌飯。係咪飛驒牛我真係食唔出，因為已經比佢個極濃黑椒汁掩蓋曬啲牛肉味。🙂食完我只係覺得佢係一塊正常嘅漢堡扒。反而個紫薯湯就幾特別，會飲到有紫薯蓉，但以西湯黎講就略嫌稀咗少少。杯咖啡有拉花有加
係觀塘搵好嘢食，然後見到呢間西餐廳Openrice好評如潮，仲入圍咖啡室開飯熱店，就一於黎試下。前一日已經Openrice Book好咗午市時間到訪。
.
當日準時到達，不過原來餐廳係自助形式，比較似快餐店，亦冇人係門口招待客人。咁我唯有行入餐廳最入嘅點餐位同佢講我Book咗位。但當日全場都滿曬，所以員工都叫我企番出去等。等咗大概十分鐘終於有人走，而員工汁完位叫我入去坐。唔係話等得耐，但係覺得佢個Booking System冇咩用，完全係快餐形式，都係等啲人食完走先有位坐而唔係留枱比你😂，咁Book黎都好似冇咩用喎。
.
餐廳係以自助形式，自己去攞餐具、水、用QR Code落單同攞餐。餐具雖然佢話用紫外光消毒過，但我用水再洗都見到有一層油喎😶🌫️。上網見到有人話有菜乾係餐具上面，強烈建議大家清洗乾淨先好用。
.
講番食物，叫咗餐廳最出名嘅日本飛驒牛漢堡滑蛋蓋鐵板拌飯。係咪飛驒牛我真係食唔出，因為已經比佢個極濃黑椒汁掩蓋曬啲牛肉味。🙂食完我只係覺得佢係一塊正常嘅漢堡扒。反而個紫薯湯就幾特別，會飲到有紫薯蓉，但以西湯黎講就略嫌稀咗少少。杯咖啡有拉花有加分，但佢話自己係咖啡室黎講呢個水準普普通通。🫣
.
價錢雖然都算平，但食物真係一般般，個鐵板可以食番Pepper Lunch。一樣都係以自助形式但可以坐得舒服啲😂。餐廳雖然寫自己係西餐/ 咖啡室，但整體用膳感覺更似快餐。補充番我同朋友兩個人食完之後都有肚痛情況，真係唔知係身體差定食物太油唔乾淨啦。
* 日本飛驒牛漢堡滑蛋蓋鐵板拌飯 $85
* 紫薯湯 +$5
* 墨汁包多士 +$8
* Rose Latte +$8
* Americano +$12
张贴
