味千拉麵 (已結業)

琴日同姑姐一家人去新都會食lunch，行下行下見到味千就走去食。我揮手叫左3次waiter，但都冇人肯停落黎幫我寫單。我地叫左豚肉拉麵、饅魚飯定食、叉燒拉麵、xx魚肚拉麵、手作餃子同炒牛肉粒。豚肉拉麵：豚肉好香，份量又多(相比起其他拉麵)，但如果d肉可以另上口感更佳，因為'林'左好難食。饅魚飯定食：對於唔大食既人，呢個係好好既選擇。饅魚整得岩岩好，冇多餘既汁流出，但我覺得冇嘜饅魚味。叉燒拉麵：跟一般既日式叉燒味道一樣xx魚肚拉麵：新嘗試，魚肚配拉麵，我個人唔係好鐘意。手作餃子：好似煎得唔夠，皮脆感不足。炒牛肉粒：呢個好值得推介，牛肉粒好香同爽口，旁邊仲有炸左既蒜片，再加上用鐵板上，更具吸引力。