聚點 (已結業)

星期日同朋友去咗文化中心扮文青，行到攰就係周圍搵好野食， 行下行下行到去呢一條街。本身呢一條街充滿著感覺上只係招呼遊客嘅餐廳， 本身感覺麻麻， 但係見呢一間好似好有本土特色，我地就入去試下。 叫咗一個聚香雞、沙爹肥牛粉絲煲、 乾炒牛河同埋椒鹽魷魚。首先嚟咗個聚香雞， 係大約半隻豉油雞， 雞肉十分之嫰滑，鼓油汁好香， 出奇到連雞胸都可以係滑㗎，仲要 完全無雪藏味 ，真係重點推介。 之後就黎過乾炒牛河， 佢有啲芝麻喺面， 中間仲有啲韭菜同埋蔥，大大碟， 牛肉份量亦都夠，一啲都唔油，good!另外要讚好嘅係沙嗲肥牛粉絲， 一啲都唔欺場，牛肉分量多 ，沙嗲味香濃， 真係估唔到尖沙咀都可以搵到啲咁本土嘅茶餐廳，又好味， 值得一讚。