老豆就話不如去買PIZZA食
我記得上次經過鯉灣果度, 見到果度D師傅拋餅, D技術幾咁精湛!! 睇到我企左係度
所以就決定行過兩條街去買果度D PIZZA~~
原來間野叫PHD
去到D店員就話大批有半價, 即係話69蚊咋喎!?
之後就諗都唔諗叫個千島海鮮
加埋果個360芝最批底都唔係好貴姐
之後仲可以叫多兩樣半價小食(真係好抵)
家姐話想食雞翼就叫左蜜糖雞翼同埋脆香雞
另外買多3個一人套餐
叫左芝士白汁雞皇飯, 葡汁雞肉飯同埋拿破輪雞肉飯
總共仲有2個湯同埋4罐美年達
果度係開放式廚房, 可以睇到哂個製作過程, 好開明
又可以睇多次D師傳轉個餅啦~好過癮
原來唔使等好耐就有, 等左10分鐘就有野食拎走
拎到返去依然熱辣辣, OH~~~~個千島海鮮實在太美味
上次食PIZZA HUT果隻千島海鮮隻汁好似酸少少, 呢隻反而岩岩好
個芝士邊軟林林, 咬落去淡淡芝士真係好滿足
仲有3個飯, 不過我就霸左隻葡汁雞肉飯食
D咖哩味好香, 都有D椰香味, 配飯真係一流
仲有一盒4件既脆香雞, 都OK
咬落入面都有少少肉汁
D蜜糖雞翼個樣好似我媽咪煮果D鼓油雞翼咁, 哈哈, 隻雞翼都好有水準呀
WOW, 食到我好飽
總括黎講, 我覺得真係好抵食!! 而且又快整好
如果仲有半價, 下次同班FRIEND開PARTY一定再叫過
1
