MX (中華總商會大廈) (已結業)

因為半日市，全公司都係放半日，所以各部門的聖誕聯歡都集中在中午過後，淨係今日下晝都要走三場。三場都係到會，分別係Munch、Citysuper同美心。坦白講，到會食物都係大同小異，都係火雞、串燒、菜沙律、咖哩牛腩咁，好似只係將幾間食肆的下晝飯盒裝埋一大盒來吃一樣，完全欠缺吸引力。因為應節，三度的火雞也有吃，在沒有期望的情況下，反而覺得美心的烤美國火雞不差。原隻雞大大隻，切肉，雞肉不過熟，肉質竟然唔韌，所以是吃完一塊又要一塊，在到會都好少吃得到入得口的火雞了。