Hero's Friday (已結業)

深水埗餐廳美食非常多，價錢貼地質素上乘， 同事知道我鍾意食漢堡，就推介咗呢間HERO'S FRIDAY餐廳， 餐廳只提供外賣，不設堂食。餐廳位於深水埗D出口附近，喺黃金商場隔離，一個以漫畫為主題嘅餐廳， 成間店舖嘅牆身，都是以英雄漫畫為主題， 未點餐之前都可以視覺享受一番。今日去食下午茶時候，我就要咗個Hero 's Burger餐， 成個包非常大，用刀叉切開 ，牛肉都有兩大塊。煙肉同雞蛋， 配上黃色嘅芥末醬同埋西生菜 ， 牛肉好juicy ，食落層次分明，配埋可樂 ， 感覺好滿足 。黑椒豬扒堡餐， 薄薄嘅豬扒沾滿咗黑椒汁和醬汁夾喺兩塊包中間，食落好有味好鬆軟 。薯餅和粗薯條， 炸得外脆內軟 ，沾上茄汁醬 ， 食到停唔到口 。買一個包就會送薯條或者薯餅，同埋可以去雪櫃自己攞一罐嘢飲。我在攞咗肥宅快樂水。雖然係外賣，攞到返屋企都係幾熱，同堂食冇乜分別，我會推介朋友過嚟買外賣。