MASAM (利發大廈)

营业中

休息中

好耐無食過高質漢堡！朋友介紹我到呢間喺元朗康樂路附近既MASAM, 價錢唔貴，質數高，仲款式多，話我一定揾到一款我最愛既🧐仲要係可以堂食既，可以坐得舒舒服服慢慢享受下😍😍喺康樂路輕鐵站落車，跟google map 既指引，好快就會見到呢間MASAM餐廳😎 餐廳門口貼咗唔少海報，差唔多每款burger 都圖文並茂咁介紹，非常吸引！我地叫咗四個漢堡，分別係馬森至尊、墨西哥脆片辣漢堡、潛艇脆魚堡及蜜糖芥末雞堡加大啡菇🥳馬森至尊☺️☺️- 好正！不愧係用餐廳名命名，係鎮店之寶😍😍呢個burger 材料超級豐富，除咗有燒到脆脆既煙肉🥓，重本對半德國🇩🇪豬肉腸外，仲有手打牛肉扒、厚厚滑蛋，配上千島醬和生菜蕃茄，口感新鮮唔油膩，好正！墨西哥脆片辣漢堡- 第一次試會用上墨西哥脆片既漢堡包，原來係咁夾咁得意咁好味🤓🤓🤓配料中有開胃酸青瓜，啖啖肉外仲又辣又酸，正呀🥰🥰🥰潛艇脆魚堡- 炸魚新鮮炸起，炸到金魚脆卜卜，仲好厚身😎😎 正呀！蜜糖芥末雞堡加大啡菇- 雞扒好juicy! 肉質鮮嫩，炸得岩岩好！同餐廳用既蜜糖芥未醬好夾！我地加配咗大啡菇🥳🥳 非常juicy! 朋友真係無介紹錯！呢間漢堡店真係好好😘😘 無失望