估唔到屋企樓下都有好野食
樓下商場開左間海南雞飯店
好似都唔錯，就食佢先
2
環境都好光猛
坐底後點左
幸運海南雞配經典雞油飯
雞肉皮薄肉嫩，仲要係啖啖肉唔黐骨
最正係個雞油飯，油香得嚟唔膩口
忍唔住食晒全部
1
海南三寶併配蝦醬炒飯
貪心鬼必點！海南雞+豬頸肉+鹹蛋黃金組合
豬頸肉炭火香好突出
鹹蛋黃流油撈炒飯簡直邪惡到爆
蝦醬炒飯夠鑊氣，仲食到啲蝦米碎添
另外我地仲叫左小食
碳烤豬肉串
蜜糖燒烤醬，個豬肉燒到燶邊燶得啱啱好
金磚月亮蝦餅
炸得好脆，入面啲蝦膠都好彈牙
當然再食埋甜品
宇治抹茶雪山
份量比我想像中大
而且仲有小丸子、紅豆做配料
流心味都幾濃味
配埋上面嘅忌廉一齊食，好好食
芒果仙草
上面有一大個芒果味嘅雪糕
仙草每一啖都有回甘嘅味道
入面仲有啲芋圓，好有口感
至於飲品
冷泡桂花烏龍清香回甘，凍檸檬果蜜酸甜開胃，
兩杯都係解膩好拍檔
