&btR

星期六晚約左侄仔去太古城中心，因為本人整緊牙，冇牙力食野，唯一諗到就係食魚，所以我地就黎左&BTR。

周圍人頭湧湧，但呢度都叫做可以搵到位。呢度似高級左少少嘅快餐店，先自己去counter落單比錢，之後就等店員送餐去你度。

我就食鯖魚定食，個餐就正正常常，係個飯少少特別，有啲似炊飯。

侄仔食雞扒定食，佢就冇乜comment。

呢度最大缺點就係，檯同檯之間非常近，咁啱左右兩邊嘅人都講野大聲，我就頂唔順，好快食完就閃，都唔想坐喺度同侄仔傾計。

估唔到夜晚出去食，一個便當唔收加一都要過百蚊，大概明白點解港人咁鍾意返鄉下啦。