鳴門魚市場居酒屋 (已結業)

之前經過幾次其實都已經好想試，今晚睇到IG有人推介個原條鰻魚飯之後決定嚟試試！我同🐷先生兩個人因為之前嗰晚飲太多嘅原故，所以今晚嘅晚飯冇叫sake。有嘅話今晚餐飯會係perfect! 👍🏻由小食開始，叫咗份螢光魷魚沖漬（$53）同埋一份燒明太子（$78）。呢度嘅螢光魷魚醃得啱啱好，啲魷魚又新鮮又有咬口。燒明太子亦都係味道濃郁，兩樣都係正到絶嘅下酒菜！😋😋（重申，我哋今晚係冇飲酒㗎！😂😂）至於主菜，🐷先生叫咗個鰻魚溫泉玉子芝士飯定食 （$158）。原條鰻魚比起平時鳗魚飯嗰啲更加香滑，肥美。油香度滿分！石頭鍋飯配埋温泉玉子、芝士和泡菜，令到個飯唔會太乾，又有熔芝士嘅拉絲感，辣辣地仲好好味㖭！😋😋其實個鰻魚定食兩個人share都夠食，耐何我又真係好想食魚生。所以我叫咗個北海道雜錦魬（$268）！有肥美嘅三文魚腩、赤身呑拿魚、油甘魚、帶子、魚子、海膽、同埋甜蝦。魚生好味，個飯都好好味，好飽都清哂碗魚生飯！😂😂今餐飯真係大滿足，我嘅第一篇食評就奉獻咗俾鳴門魚市場喇！💕