達順辣蟹火鍋 (已易手) 新餐厅

粥底海鮮鍋不是什麼新鮮事, 要以平價及海鮮新鮮度才可以留住食客嘅心今晚黎到銅鑼灣嘅達順辣蟹火鍋, 淨看門面及地段, 真係無諗到係咁抵食！一個海鮮餐, 有肉蟹、鮑魚、海蝦、魷魚及多款蜆類, 仲有8款打邊爐配料, 最後仲有粥底, 飯後果水果同糖水, 真係飽到上心口。唯一就係除左熱茶,係無包任何飲品,飲品都需要散點, 多人的話都可以叫一勺酸梅湯及粟米汁。先用粥水黎淥海鮮, 粥水本身無味, 全靠海鮮觧味打做粥底, 所以海鮮品質好重要。餐廳有提供淥煮時間, 例如肉蟹13分鍾,鮑魚5分鐘等等, 只要跟足指示, 海鮮熟度岩岩好！值得再提嘅係海蝦, 用竹籤串好除左美觀及食用方便, 而且好新鮮, 肉質好夾爽, 市面少見。經過一轉海鲜之後, 粥底明顯有味而且偏甜。食完海鮮後再放入雞件,豬頸肉及牛肉令粥底再加添肉味, 當然雞有雞味,牛有羶味, 十分正常。最後加入粥膽同芋粒南瓜粒再煮綿, 最後一啖粥非常入味, 全晚嘅精華 不過煮粥前記得要撈起所有野 (例如有蟹殼)。最後最後有西瓜同綠豆沙送, 不過唔係跟餐架,要撞下手神喇!